Tilsette

Martha Schrøder Momrak er konstituert dagleg leiar, og har i tillegg det faglege ansvaret for attføringsarbeidet i bedrifta.
Ho har vore tilsett i Telemark Lys AS sidan 1995 og har elles allsidig erfaring frå arbeidslivet, mellom anna innan undervisning og kontorarbeid.
Ho har høgskuleutdanning i yrkesretta rehabilitering, karriereveiledning og motiverande intervju, og elles mange kortare kurs innan attføringsfeltet.

Åse Synøve Nesher er integreringskoordinator med fagleg ansvar for integreringsarbeidet og introduksjonsprogrammet, som vi gjennomfører på oppdrag frå Fyresdal kommune. I tillegg har ho ansvar for kvalitetssikring og HMS-arbeid i bedrifta.
Ho har vore tilsett i Telemark Lys AS sidan 2004 og har då for det meste arbeidd med undervisning.
Ho har også tidlegare erfaring frå undervisning, både i grunnskule og vaksenopplæring.
Åse har høgskuleutdanning i norsk, historie og etikk.

Aud Sølyst Iversen er attføringsrådgjevar og tilretteleggar for deltakarar både i attføringstilboda og introduksjonsprogrammet.
Aud har vore tilsett i Telemark Lys AS sidan 2004 og har elles lang erfaring frå arbeid i helsesektoren, i tillegg til privat omsorgsarbeid som fostermor gjennom mange år.
Ho er utdanna hjelpepleiar og har fleire gonger vore kursleiar for andre fosterforeldre m.m.

Grete Nes Kilen er kontor- og rekneskapsansvarleg.
Ho har arbeidd i Telemark Lys AS sidan 2006 og har tidlegare lang og allsidig erfaring frå arbeid i bank, saksbehandling i statleg verksemd, samt kontor- og rekneskapserfaring frå ulike kontor.

Hege Stiansen er norsklærar og kursansvarleg og arbeider såleis med norskundervisning for flyktningar, i tillegg til ein del andre kurs.
Ho har vore tilsett i bedrifta sidan januar 2011.
Elles har ho erfaring frå undervisning både i grunnskule og vaksenopplæring.
Hege er utdanna allmennlærar, med vidareutdanning i norsk 2, ungdomssosiologi, språkutvikling, biologi og geologi.

Anette Forsdal Halvorsen er frå desember 2011 tilsett som tilretteleggar for deltakarar både i attføringstilboda og introduksjonsprogrammet. Ein stor del av jobben hennar går ut på at ho har ansvar for den daglege drifta ved Kafe Teisner, som nå er vår største og viktigaste arbeidstreningsarena.
Anette er utdanna tankefeltterapeut, og vi kan derfor tilby dette som ei tilleggsteneste til våre deltakarar.

Lasse Schou Hansen er frå desember 2011 tilsett i eit engasjement som norsklærar i grunnleggande norsk for ein nytilflytt familie.
Han har treårig Steinerskulelærar-utdanning og har jobba som lærar i fleire år, mellom anna på Fyresdal vidaregåande Steinerskule. Han har også utdanning innan informatikk og biologi.